МЕМЛЕКЕТ БАСШЫСЫ ҚАСЫМ-ЖОМАРТ ТОҚАЕВ ҚАЗАҚСТАН ХАЛҚЫНА 2022 ЖЫЛДЫҢ 1 ҚЫРКҮЙЕГІНДЕ ЖОЛДАУЫН ЖАРИЯЛАДЫ

Жолдаудың негізгі бөлігі еліміздің әлеуметтік-экономикалық дамуына арналды.

Маңызды мәселенің бірі Білім беру жүйесіне тоқталды: «Бұл сала ұлт сапасын жақсарту ісінде аса маңызды рөл атқаратынын атап өтіп, «Ел боламын десең, бесігіңді түзе» деген сөзге мән берді.

Мектепке дейінгі тәрбие жұмысы басты назарда болуы керектігін атай отырып, екіден алты жасқа дейінгі балалардың жартысынан астамы ғана балабақшаға баратынын айтты.

Балаларды балабақшамен қамтамасыз ету мәселесін түпкілікті шешу қажеттігін, тәрбиешілердің әлеуметтік мәртебесін арттырып, жалақысын көбейту керектігін, осы саладағы мамандарға қойылатын нақты талаптар бекітілуге тиістігін атап өтті. Олардың жұмыс жүктемесін де біртіндеп азайтқан жөн екендігі айтылды.

«Өз ісіне адал ұстаздар білім беру саласының дамуына зор үлес қосады. Сондықтан, балабақшаны емес, тәрбиешіні аттестациялау қажет» деді Қасым - Жомарт Кемелұлы Тоқаев.